究竟離婚係咪好可怕,我覺得一啲都唔可怕,如果當你對呢段婚姻完全再無信心及誠信既時候,你成個人係會無力再去挽救呢段婚姻,一直以嚟我都以為自己係嫁得好幸福,外人睇我都覺得係,但有苦當然自己先知,一個熱愛自由,熱愛獨自一人既男人又怎可能安份守己,仲要佢熱愛性呢方面既人,一個女人又怎能滿足佢既欲望,我地經常吵架,佢以為我成日嘈佢無時間陪我,但佢唔知道,我嘈佢唔陪我既原因,係因為佢成日夜歸,你知啦,夜晚可以有好多衰野做到,我嘈係因為我喺佢身上揾唔到安全感,佢以為佢自己已經改得好辛苦,不斷改都改唔到我滿意,係因為每一次都比我揾到佢既古怪野,我都唔想揾架,但每一次都好自然咁比我發現,最近佢仲要學人玩埋性愛及交換伴侶既交友網站到做會員,入到去全部都係一啲淫亂既派對,跟本你隨便同一個人聯絡都可以同佢出去上床,仲要無後顧之憂,無責任地去同人做愛,當然快樂,亦都好適合佢,但唯一唔適合既,就係佢已經結咗婚,想玩離咗婚先,因為我接受唔到,我對佢完全無哂信心,我仲唔想再比佢點到我,呢幾日佢返咗大陸工幹,唔知佢已經同到邊啲女仔聯絡到,但已經唔再重要,我只係想知佢係會一直咁KEEP住上呢個網到認識不同既人,我就已經心死,我會安排同呢個人離婚,因為我唔想有一個咁既老公,對我已經愛連性都唔專一既人,係無可能同到我一世,所以佢已經咩都唔需要再改,本性係改唔到!
Tools 
